تربيه الاولاد

لو أنت أب / أم .. تبقى الرسالة دي تهمك جداً ، ولو أنت شاب / شابة ومقبل على حياة جديدة ومسؤولية وبيت وأسرة وأولاد .. يبقى أنت أول واحد لازم تسمعنا .


تعالوا نتخيل كده مع بعض .. وخلونا نرجع لبعيد آلاف السنين .. ونتخيل اننا بنعيش في العصر الحجري .. ولا في كهرباء ولا تكنولوجيا .. حتى مفيش قراءة وكتابة .. وبعدين جالنا زائر بآلة زمن من الزمن بتاعنا ده .. وجابلك هدية عبارة عن (( لاب توب )) تفتكر هتستفيد قد ايه منه ؟ هتفهم أصلا هو بيشتغل إزاي ولا هتقعد تخبط فيه كده وخلاص ؟؟ اكيد مش هتقدر توصل للإستفادة بكل قدرات وامكانيات الجهاز ده .
نفس الحكاية بالظبط .. الأب والأم اللي ميعرفوش قواعد وفنون التربية السليمة .. زيهم زي صاحبنا بتاع العصر الحجري اللي عنده لاب توب .

طيب خلونا نبدأ كلامنا من الواقع اللي بنعيشه .

واقع مؤلم :
ــــــــــــــــــــ
- كتير من الآباء والأمهات فاكرين ان التربية هي توفير الأكل والشرب واللبس ... وناسيين غرس القيم وبناء الشخصية .
- وكتيير كمان متخيلين ان التدليل وتلبية كل احتياجات الأبناء هي دي التربية السليمة .. ومش واخدين بالهم من الآثار السلبية لده من ضعف شخصية وعدم ثقة بالنفس .
- تخيلوا ان في دراسة بتقول إن نسبة الابداع بتكون 90 % عند سن خمس سنوات .. وبتفضل تقل لغاية ما تبقى 10% عند 7 سنوات .
- كلنا اكيد بنشوف انتشار الأمراض النفسية والسلوكية عند الأطفال .. من عدوان وعناد .. وخوف وخجل .. وحتى الكذب والسرقة والإدمان .. وكل ده سببه جهل تربوي .
- ياترى كام أب وأم أصدقاء لأبنائهم .. كلنا شايفين حالة التفكك الأسري الموجودة .
- حد فينا يعرف أخطار التليفزيون على الأطفال .. تعرفوا انه السبب في ارتفاع نسب العنفف والعدوان عند الاطفال .
- ياترى لسة بنشوف آباء وأمهات بيضربوا أبنائهم .. "" شبشب لكل مربي ""

طيب كفاية كده كلام عن الواقع .. وخلونا نتفق إن في واقع تربوي مرير وفي جهل تربوي منتشر .. واحنا وانتم عايزين نغير الواقع ده ... وخلونا نشوف مع بعض أهمية التربية .
التربية مهمة جداً .. بس لازم نعرف إن أهمية التربية لا تقتصر على الطفل بس .. انت المستفيد الأول من التربية دي .. لأن ده فرض انت مكلف بيه وهتسأل عنه أمام الله سبحانه وتعالى .

بالنسبة للوالدين :
ــــــــــــــــــــــــــــــــ
* عبادة واجبة على الوالدين . يا أيها الذين آمنوا قوا أنفسكم وأهليكم ناراً وقودها الناس الحجارة .
* قال رسول الله صلى الله عليه وسلم "كل مولود يولد على الفطرة فأبواه يهودانه أو ينصرانه أو يمجسانه".
* قال رسول الله صلى الله عليه وسلم "كلكم راع وكلكم مسؤول عن رعيته ."
* قال رسول الله صلى الله عليه وسلم (علم يُنتفع به ، أو صدقةٍ جارية ، أو ولدٍ صالح يدعو له


بالنسبة للطفل :
ـــــــــــــــــــــــــــــ
-بالتربية السليمة .. هنفدر نغرس القيم والمعايير عند الأبناء.. ونبني شخصياتهم ونطور مهاراتهم .
- عقل الطفل فيه مارد ضخم .. قدرات إبداعية هائلة .. وذكاء .. ومواهب وهوايات.. بالتربية السليمة نقدر نكتشف كل ده ونطوره .
- بالتربية السليمة هنحمى أبنائنا من الأمراض النفسية والأخطاء السلوكية .. ونديهم أجمل هدية وهي الصحة النفسية .

يعني التربية السليمة هي الطريقة اللي نحصل بيها .. على جسد سليم قوي .. وعقل مبدع مفكر .. ونفس كريمة الأخلاق قوية الشخصية .. وروح راقية متعلقة بربها .

وياريت مننساش إن التربية السليمة هي أول خطوة في طريق الألف ميل .. طريق النهضة ونصر الإسلام .

معنى التربية :

التربية هي عملية بناء الأفراد بناء كامل وتطوير قدراتهم .. علشان يقدروا يواجهوا تحديات الحياة المختلفة .
واهم شرط لنجاح التربية هو ... التربية الشاملة

*******
المفروض تعمل ايه ؟؟

- اسأل نفسك .. ياترى انا أصلح أن أكون قدوة حسنة لأبنائي ؟
- ياترى كنت هخوض التجربة التربوية وانا معرفش عنها حاجة ؟
- انا عملت ايه لأبننائي .. عرفت إزاي هتعامل معاهم وازرع فيهم القيم وانمي قدراتهم ؟

لازم نقف وقفة مع نفسنا .. ونقرر من دلوقتي إننا نتعلم التربية .... وبخصوص كيفية التعلم .

- ممكن تقرأ كتب في التربية أو من النت .

منقووووووول