_____________________________
الفكره صارت
بدون جدوي
بس الامل عدوي
واليأس زي الحصار
وباعتبار
ان القدر حياه
وان الموت قرار
فلابد من الاصرار
علي السير
وصولا لمعني
يقدر يجمعنا
كانه الاله
في السر او في العلن
وياه
الامل ما هوش جنان
ولا الجنان اختلاف
ولا الكلام عن الزهور
طبع الي خاف
طعم الحياه حاله
لون الحياه شفاف
كل الغوامق ليل
بس الامل كشاف
ينور السكه لكل
الغايات
والغايه بنت الفكره
والفكره ام الحاجات
والحاجه ام الاختراع
والمركبه من غير شراع
ومتفتكرش ان الوصول
للبر
ده شئ مستحيل
وما تفتكرش ان المراكبي
هيكون بديل
بدون شراع
وماتفتكرشي ان الخلاص
عند الي طاع
ماتتزنقشي في خانه
اليك
الفجر لسه لك
والحلم لسه لك
والسكه لسه لك
والبحر سحره لك
لك لك لك
الجمعة يوليو 30, 2010 3:23 pm